Она што се најавуваше во медиумите во БиХ и во Македонија, од вечерва е и официјално. Играчот за врска на нашата најдобра репрезентација, Агон Елези и официјално е нов член на Сараево. Член на најголемиот и најпознат клуб во БиХ.
Ова е уште еден одлично сработен трансфер на новиот спортски директор на тој клуб, Крсте Велкоски, откако пред некој ден дојде во “бордо“ тимот и Стефан Ристовски.
Да потсетиме дека Елези доаѓа од Бохум, а во минатата сезона играше како позајмен играч во Хрватска, во тимот на Горица.
Елези кој има 25 години, со Сараево потпиша договор со важност до 2028 година.
