СпортСпорт во Сан Марино, Огнен Чак Дојчиновски
Вардар е на чекор до пласман во следната фаза во квалификациите во Лигата на Конференции. Утре против Ла Фиорита тргнува со предност од 3:0 од првиот меч во Скопје.
Секако дека тоа е голема предност, но уште ништо не е готово. Тоа го кажа вечерва во пресрет на утрешниот реванш и стратегиот Гоце Седлоски:
“Како прво уште по завршување на првата средба во Скопје, по тие 3:0, им кажав на играчите дека нема опуштање. Знаеме што се случува, какви се квалитетни екипи испаѓаат. Предноста е таа, ние знаеме зошто сме дојдени овде, да си го направиме своето. Тој резултат од 3:0 не треба да не залажува. Треба да влеземе на терен да одиграме наша игра. Иако сме ослабени, без три – четири важни играчи како Најдовски, Фустин, Талевски, но сепак тие кои што ќе излезат на терен очекувам да го дадат максимумот.Не потценуваме никого, напротив спремни сме да го засилиме ритамот и темпо на овој натпревар. Она што беше во Скопје е зад нас, утре во реваншот влегуваме како да е 0:0“ заврши Седлоски.
