Уште една тажна вест ја потресе македонската фудбалската јавност. Младиот талент на ГФК Охрид, Анастас Каровски, трагично го загуби животот на само 16 години.
Фудбалскиот клуб Охрид преку социјалните мрежи се прости од својот млад фудбалер искажувајќи болка.
Анастас е жртвата во трагичната сообраќајна несреќа која се случила на патот Охрид – Свети Наум.
„Тој се здобил со тешки телесни повреди и со возило на Итна медицинска помош бил пренесен во Општа болница во Охрид, каде им подлегнал на повредите. Сопатникот, исто така 16-годишник од Охрид, се здобил со тешки телесни повреди, констатирани во Специјалната болница „Св.Еразмо“ во Охрид“, информираат од СВР Охрид.
