Голот на Нејмар му донесе на Сантос исклучително вредна победа во натпреварот против лидерот Фламенго од 14-то коло на бразилското првенство. 33-годишниот напаѓач постигна гол во 84-тата минута за 1-0.
Натпреварот ќе биде запаметен и по дебито на 17-годишниот Робињо Јуниор – син на поранешниот бразилски репрезентативец Робињо во дресот на Сантос. Талентираниот напаѓач се појави на теренот во 65-тата минута.
GOOOOOOOL DO NEYMAR!!!!! 🥶
HE GIVES SANTOS THE LEAD AGAINST FLAMENGO!!!!!!! 🇧🇷pic.twitter.com/0Lzsla25ZS
— Brasil Football 🇧🇷 (@BrasilEdition) July 17, 2025
Како и неговиот татко, Робињо го носи дресот со број 7. Минатата година, тој го потпиша својот прв професионален договор со Сантос. Договорот е со важност до 2027 година, а клаузулата за ослободување во него е вредна 53,5 милиони долари.
„Робињо Јуниор е многу талентирано момче. Среќен сум што можам да му помогнам. Го познавам уште од дете, а сега играме заедно“, рече Нејмар по натпреварот.
На почетокот на својата кариера, Нејмар беше под закрила на Робињо, кој моментално отслужува бразилска затворска казна за силување. Сега ѕвездата на Сантос дејствува како ментор на синот на својот добар пријател.
Со победата, Сантос собра 14 бода и се искачи на 13-то место на табелата.
