Како што пренесува хрватскиот портал 24сата.хр, Вардар за да го добие Иван Чупиќ за тренер, морал да му исплати на Метковиќ отштета од цели 30.000 евра.
Да потсетиме дека ова лето Вардар успеа да го доведе легендарниот Хрват, кој е играчка легенда и на “црвено – црните“, на тренерската клупа, но на промоцијата не беше кажано дека Вардар ја исплатил таа сума.
Имено познато е дека Чупиќ во тоа време беше под договор со Метковиќ, но потоа стигнала поканата од првиот човек на вардарци, Михајло Михајловски, токму тој да ја преземе тренерската палка и Чупиќ воопшто не се двоумел и веднаш дошол во Скопје.
