Ете, Ханси Флик доби големо, екстра засилување во нападот. Ако не успеа со Нико Вилијамс и Луис Дијас,стратегот на Барса во наредната сезона во тимот ќе го има Маркус Рашфорд.
Имено попладнево “Марка“, а и сите релевантни медиуми во Шпанија објавија дека се е готово, дека има договор и дека во наредните денови овој трансфер ќе се официјализира откако репрезентативецот на Англија и член на Манчестер Јунајтед, ќе ги мине лекарските прегледи.
Откако јасно му беше ставено до знаење дека за него нема иднина додека Рубен Аморим е тренер на тимот од “Олд Трафорд“, Рашфорд посакуваше само во Барса и никаде на друго место, иако имаше понуди и од други клубови.
Како што се наведува, тој ќе игра за Барса како позајмен играч со можност договорот да му биде откупен од страна на каталонскиот гигант.
