Ако од пред неколку дена беше познато дека судии од Белгија, на чело со Нејтан Вербомен ќе ја делат правдата на мечот меѓу Шкендија и ФЦСБ во Скопје во вторник, сега е познато и кој ќе суди на реваншот во Букурешт.
Овој реванш од 2.квалификациско коло во Лигата на Шампионите, меѓу ФЦСБ и Шкендија се игра на 30 јули (среда) со почеток од 19:30 часот и тоа на Националната Арена во Букурешт.
Тоа се судии од Украина. За главен судија е одреден Олексеј Деревински, додека него ќе му помагаат Виктор Метијаш, Олексеј Миронов и Дмитро Панчушин. Исто така и во ВАР собата ќе бидат Украинците Микола Балакин и Денис Шурман.
Кога сме кај Деревенски да кажеме дека тој во 2022 година, во првото квалификациско коло во Лигата на Конференции веќе и судеше на Шкендија и тоа во Ереван кај Арарат кога беше 2:2.
