Ламине Јамал драматично порасна откако се проби во првиот тим на Барселона и сите во клубот стравуваат дека ова може да продолжи и да ја наруши неговата координација.
Еден од најдобрите фудбалери во светот неодамна го прослави својот 18-ти роденден, организирајќи забава што предизвика многу контроверзии, додека набрзо облече нов дрес во Барселона. Откако Ансу Фати замина за Монако, „десетката“ стана достапна, која Јамал веднаш ја зеде, а сега му е претставен тој број пред почетокот на новата сезона.
Тој во првиот тим на Барселона е од 16 години и многу работи се променија кај него. Освен што почна да игра постандардно, подобро и позрело, има и промени во неговата физичка состојба што ги изненадија луѓето во Барселона. Така, последното мерење пред новата сезона утврди дека значително пораснал, така што влегува во сезоната 2025/26 со висина од 181 сантиметар.
Тоа е десет сантиметри повеќе отколку што беше пред неговото деби во дресот на Барса, што може да биде плус поради неговата игра со глава…
Сепак, на некој начин може да биде и голем проблем. Веќе знаеме дека спортистите ја губат координацијата на движењата поради ненадеен раст, се појавуваат проблеми со болки во зглобовите и колената, а со оглед на тоа што Јамал има само 18 години – не е исклучено да продолжи да расте.
View this post on Instagram
Тој го имаше своето деби за Барселона во сезоната 2022-23 под водство на Чави, следната година доби поголема улога, а откако го освои Европското првенство со Шпанија, стана неопходен под водство на Ханси Флик. Одигра 106 натпревари за Барселона пред да стане полнолетен и постигна 25 гола и 34 асистенции.
Јамал има договор со Барселона до јуни 2031 година и сега вреди околу 200 милиони евра.
