Во пресрет на првиот од двата дуела на Вардар против Лозана во рамките од второто коло од квалификациите за Конференциската лига, денеска пристигнува информацијата дека мечот е класифициран со назнака висок ризик.
Мечот кој инаку е закажан за 20:30 за вчетврток на Арената Тодор Проески во Скопје, од страна на надлежните е прогласен за меч со висок ризик многу веројатно затоа што во Скопје пристигнуваат стотина навивачи на Лозана.
Згора на тоа, во ова подрачје од главниот град во моментов се стационирани илјадници спортисти и спортски работници кои што се дел од ЕМОФ игрите кои што во моментов се одржуваат во Скопје.
Секако дека и тоа има удел, ако се знае дека навивачката група Комити за дуелот против Лозана најавува огромно присуство.
