Дуелот помеѓу екипите на Алкалоид и Хановер-Бургдорф, кој што е реванш двомеч од квалификациската рунда за влез во групната фаза на ЕХФ Европската лига, ЕХФ денеска и официјално го закажа за шести септември.
Германскиот тим одлучи својот меч да го организира на 31. август во 17:00 часот, Алкалоид својот меч на домашен терен одлучи да го закаже на шести септември стандардно во својата сала во Автокоманда со почеток од 19:30 часот.
Па така, РК Алкалоид победничкиот пехар од ЕХФ Европскиот Куп освоен во минатата сезона ќе го добие на својот прв домашен меч во новата европска сезона, односно токму на дуелот против тимот на Хановер.
