Ламин Јамал постави нов рекорд за каталонскиот клуб. Барселона ги стави дресовите со неговото име на продажба, генерирајќи милиони приходи уште првиот ден. Сепак, ова е само почеток. Се очекува интересот на навивачите за дресот со број 10 да продолжи да расте.
Младиот шпански напаѓач ќе игра со најпрестижниот број во фудбалот оваа сезона, кој го презема откако Ансу Фати си замина. Пред него, легенди како Диего Марадона и Лионел Меси играа со овој број во Барселона.
Навивачите веднаш се нафрлија на новиот дрес. Според информациите од радио „Копе“, клубот успеал да продаде неверојатни 70.000 единици уште првиот ден, а цената на еден е 145 евра. Приходите на Барселона на тој начин веднаш ја надминаа границата од 10 милиони евра и ги подобрија претходните рекорди на Меси и Нејмар.
Ламин Јамал неодамна наполни 18 години, но многумина веќе го сметаат за еден од најдобрите играчи во светот. Минатата сезона, тој одигра 55 натпревари, постигнувајќи 18 гола и додавајќи 25 асистенции. Во мај, тој се договори со клубот да го продолжи договорот до 2031 година, а по полнолетството, го потпиша.
