Некогашниот велшки репрезентативец и легендарен дефанзивец на Ливерпул, Џои Џонс почина по кратко боледување на 70. годишна возраст.Оваа информација ја пренесе самиот Ливерпул, но и Врексам, клубот за кој исто така настапуваше Џонс.
Левиот бек, познат по исклучително цврсти стартови беше дел од Ливерпул кога овој тим го освои првата европска титула во 1977 година, а потоа успешно го одбрани истиот трофеј една година подоцна.
Џонс забележа дури седумдесет настапи за својата земја, а за Врексам настапуваше единаесет сезони во три наврати. Овој клуб ќе изгради споменик во негова чест пред стадионот.
We are deeply saddened by the passing of Joey Jones, aged 70.
— Liverpool FC (@LFC) July 22, 2025
