Само еден ден откако Новак Ѓоковиќ, Јаник Синер и Џек Дрејпер се откажаа од Мастерсот во Торонто, и вториот светски тенисер Карлос Алкараз го објави своето отсуство.
„По многу последователни недели натпреварување без одмор, нема да можам да играм во Торонто оваа година. Имам некои мали мускулни проблеми и треба да се опоравам физички и психички за она што следи. Жал ми е за турнирот и за моите фанови во Канада. Се гледаме следната година“, рече Алкараз.
After many consecutive weeks of competition without rest, I will not be able to play in Toronto this year. I have small muscles issues and I need to recover physically and mentally for what comes next. To the tournament and to my fans in Canada I am very sorry, I will see you…
— Carlos Alcaraz (@carlosalcaraz) July 21, 2025
Шпанецот беше поразен во финалето на Вимблдон од Јаник Синер пред десет дена, не успевајќи да го освои по трет пат по ред.
Така, љубителите на тенисот во Канада сигурно ќе останат без барем четири од првите шест на АТП ранг-листата.
