Гранит Џака е отворен за трансфер во Сандерленд, но тренерот на Баер Леверкузен, Ерик тен Хаг го има главнио збор. Стратегот на германскиот тим, се чини, лично го запрел тој трансфер.
Според „Билд“, Џака веќе постигнал личен договор со Сандерленд, кој понудил десет милиони евра за него. Но, Леверкузен, кој бара барем двојно повеќе за 32-годишниот играч од средниот ред, верува дека понудата не е ни приближно доволна.
Агентот на Џака, Хозе Ногера Родригез, претходно вчера изјави дека Леверкузен дал дозвола за разговори. Но, Тен Хаг го гледа поинаку.
„Не ме интересира што вели агентот. Овој клуб веќе продаде тројца важни играчи. Не можеме да дозволиме никој друг да си оди. Тоа би ја поткопало структурата и културата на тимот“, рече Холанѓанецот.
Искусниот швајцарски играч од средниот ред минатото лето потпиша петгодишен договор со Леверкузен, каде што игра клучна улога.
„Тој е лидер. Има уште три години од договорот и едноставно е премногу важен за нас“, рече Тен Хаг за Џака.
Џака се приклучи на Леверкузен од Арсенал во 2023 година и беше редовен играч во успешниот тим на Чаби Алонсо.
