Попладнево раководството на АБА2 ги објави и официјално сите екипи кои следната сезона ќе играат во вториот по ранг натпреварување во регионалната лига.
Од македонските клубови тука се само МЗТ Скопје и ТФТ. Имаше некоја веројатност да се најде во ова друштво и МКК Куманово, но сепак ништо од тоа.
Во следната сезона ќе има нов формат во АБА 2 лигата.
Шампионот е сместен во вториот барабан во пресрет на ждрепката, а тимот на ТФТ се наоаѓа во последниот, четвртиот.
Интересно е тоа што ќе се игра во форматот како во европските фудбалски купови од минатата сезона.
Секој тим ќе одигра по осум мечеви но со разлчни ривали, а по два од секоја барабан.
Во оваа фаза не можат да се сретнат екипи од иста земја, како МЗТ и ТФТ на пример. Потоа сите екипи ќе се најдат во иста табела, а осумте најдобри екипи ќе го започнат плеј-офот и така се до самото финале. 
