Кошаркарската репрезентација на Македонија на првиот тест натпревар кој го имаше летово за време на подготовките, ја совлада соодветната селекција на Швајцарија со 62:56.
Со само Џејкоб Вајли, Адем Мекиќ, и Андреј Магдевски како „староседелци“ што се вели, и сите останати млади кошаркари кои за прват се среќаваат со статусот на А репрезентативец, Македонија денеска покажа завидно ниво на квалитет, и игра која што ветува дека во себе има уште многу материјал за напредок.
Со старните Магдевски, Митревски, Мекиќ, Андоноски и Какруки, Македонија на стартот се бараше себеси на теренот, а кога конечно нашите се „наместија“ што се вели, Магдевски погоди три тројки за да на полувреме заминеме со 36:30.
Периодот кој следуваше се покажа како клучен. Третата делница тотално ја добивме, се разигравме, и во еден момент имавме и дваесет поени предност.
Митревски одлично поентерски расположен со 15 поени, додека Џејкоб Вајли додаде свој 13.
Втората контрола е закажана за утре во истото време од 19 часот, на истото место, во салата „НБ Ноел“ во близината на Гевгелија.
