Секако дека победите на нашите фудбалски клубови значат многу. Сите кои сме во мак – фудбалот се радуваме на успесите на нашите клубови во Европа. Во два дена прво Шкендија ја победи Стеауа со 1:0 во квалификациите во ЛШ, а потоа и Вардар синоќа во фантастична фудбалска претстава успеа со 2:1 да слави над силната Лозана.
По ова денеска на својот личен ФБ профил се огласи и првиот човек на Фудбалската федерација на Македонија, Масар Омерагиќ кој од свое лично име и од името на ФФМ, упати јавно честитки до двата клуба:
“Честитки за Вардар и Шкендија! Победите се голем чекор напред за македонскиот клупски фудбал и значаен придонес за подобрување на нашиот УЕФА коефициент. Веруваме во прогрес и нови победи, чекор по чекор кон следната рунда“ честиташе Омерагиќ.
