Новото засилување на ракометниот клуб Алкалоид, интернационалецот од Исланд, Улфар Пал Монси Тордарсон ги сподели за официјалниот сајт на клубот, своите први впеќатоци по пристигнувањето во Македонија летово.
Како што е веќе познато, момчето кое што има 25.години пристигна во РК Алкалоид како едно од летните засилувања, и според неговите зборови е презадоволен од тоа што го видел досега.
За првиот интернационален ангажман и новиот предизвик…
„Се чувствувам одлично и возбуден сум што сум тука. Доаѓам во нов проект, во нова земја која сака и знае ракомет. Првите впечатоци се одлични. Гледав некои натпревари на Алкалоид од минатата сезона и веќе знам како игра тимот. Се игра брз ракомет и тоа доста ми одговара на мојот профил. Генерално, сакам само да победуваме. Имаме добар состав, кој сум сигурен дека ќе ме турка и јас да бидам подобар. Тоа е мојата цел со Алкалоид за следните натпревари“ – вели исланѓанецот.
За работата со Кирил Лазаров…
„Го познавам Кирил Лазаров, големо ракометно име, тој е легенда. Возбуден сум што ќе работам со него. Сигурен сум дека може да ме научи многу за ракометната игра. Тој е модерен тренер кој сака брза игра, но знам дека ќе ме научи и некоја „олд скул“ финта на теренот и ќе ми го пренесе тој менталитет.“ – се надоврзува Тордарсон.
За настапот во Европската лига на ЕХФ…
„Возбуден сум што повторно ќе играм во Европа. Претходно бев дел од Европската лига на ЕХФ каде имав добри партии и сега се надевам на добро претставување со Алкалоид, иако добивме незгоден ривал на ждрепката за квалификациите“ – вели интернационалецот…
