Шпанскиот стратег, Давид Дејвис се врати во Египет. Иако беше најавуван како еден од кандидатите за тренерското место во редовите на актуелниот македонски првак, Пелистер, сепак тоа не се случи. Битолчани назначија друг Шпанец, Рубен Гарабаја.
Дејвис ќе биде тренер на Ал Ахли, тим кого го водеше во периодот од 2022 до 2024 пред да премине во Динамо Букурешт со кого ја заврши соработката една година порано од договореното.
Дејвис во Ал Ахли ќе го наследи Стефан Мадсен кој од оваа сезона е тренер на ПСЖ.
