Откако минатата сезона освои сè што можеше во Шпанија, Барселона ги започна подготовките со многу оптимизам, и јасно е дека трофејот од Лигата на шампионите ќе биде главна цел во новата сезона.
Каталонците имаат турнеја низ Азија, која ја започнаа во Јапонија, каде што одиграа натпревар против Висел Кобе и победија со 3-1.
Главна тема по овој натпревар беше Флик, бидејќи многумина сфатија што му направи на Тер Штеген и како му покажа на својот сонародник дека повеќе не смета на него.
„Судирот“ помеѓу Барселона и Тер Штеген трае веќе неколку месеци, а вчера Флик покажа дека Гарсија ќе биде новиот прв голман на овој тим, и дека нема сериозно да сметаат на Германецот, што јасно му го кажаа пред почетокот на подготовките.
Сепак, Тер Штеген одбива да го напушти клубот и е подложен на операција на грбот, а што е полошо, самиот објави дека неговото закрепнување ќе трае три месеци за Барселона да не го отстрани од списокот на регистрирани играчи, што има право да го стори ако закрепнувањето е подолго од четири месеци.
Ова беше потег со кој се стави крај на неговата кариера во Барселона по повеќе од десет години. Флик вчера му даде до знаење дека е отпишан бидејќи дури и го зел дресот со број еден на Тер Штеген, што беше неочекувано и стана главна тема бидејќи овие работи не им се прават на играчите, без оглед на фактот дека станува збор за пријателски натпревар.
Во случај Тер Штеген да одбие да го напушти клубот, тој сигурно нема да има време за играње следната сезона, што Флик веќе му го разјасни на неодамнешниот состанок.
Исто така, Тер Штеген ќе биде само третиот голман бидејќи Шчесни ќе биде резерва за Гарсија, кој неодамна пристигна од Еспањол за 25 милиони евра.
