Експедицијата на Шкендија доцна попладнево отпатува за Букурешт, каде во среда (30 јули) ќе го одигра реваншот од 2.квалификациско коло во Лигата на Шампионите против Стеауа. Познато е дека на првиот меч во Скопје нашиот шампион победи со 1:0 и има убава можност да ја мине оваа пречка. Ако се случи тоа тогаш Шкендија најмалку ќе обезбеди пласман во Лигашката фаза во ЛЛ (групна фаза) и ќе обезбеди приход од УЕФА за евро настапите оваа сезона од најмалку 5 милиони евра.
Тетовци за Букурешт отпатуваа од аеродромот во Солун.
Утре ќе го одработат и тој вообичаен тренинг во пресрет на мечот во среда, а се разбира дека ќе има прес-конференција.
