Џек Грилиш сè уште чека, не сменил клуб, Пеп Гвардиола не смета на него, но Англичанецот има договор, 300.000 фунти неделно и внимателно го избира својот следен чекор.
Тој би заминал на позајмица, како што вели Пеп „за своите минути“ и за да се врати во формата од годината на Тројната круна.
Кои се опциите за одличниот Англичанец кој играше значително помалку во претходните две сезони?
Првата е Евертон, а од семејни причини. Тој има мало дете, преселба на „Гудисон Парк“ би му овозможила да остане во Чешир, каде што живее, со своето семејство. Покрај тоа, Мојес гарантирал слобода во играта и дека ќе го собере тимот околу себе.
Географскиот фактор е главната предност во однос на Њукасл, тој разговарал со овој тим, секако натпреварувачкиот мотив не е неважен, ќе игра во Лигата на шампионите.
Кога е во прашање континентот, Наполи останува, Милан нема пари ниту за половина од неговата огромна плата (10 милиони евра по сезона). Наполи не може да плати толку многу, но би понудил околу седум милиони плус бонуси, италијанските медиуми тврдат дека „агентот“ на Де Брујне го убедува својот поранешен клупски колега да му се придружи под Везув.
Како што се шпекулира, враќањето во Астон Вила, каде што беше капитен, дури и не се разгледува, клубот од Бирмингем се чини дека има други планови, а Грилиш дури и не размислува да ја напушти Европа, да оди во Саудиска Арабија или МЛС.
Тој ќе мора да дејствува, како што рековме, Евертон е најпримамливата понуда…
