Нашата јуниорска кошаркарска репрезентација попладнево во најважниот меч на ЕП, не успеа. Македонија доживеа пораз од Бугарија со резултат 87:90.
Ова беше битка за 13.место на ЕП, но и битка за опстанок во елитната А-дивизија. Сега веќе се е готово, нашите јуниори го завршија ЕП на 14.место, со шест порази и само една победа и со тоа се преселија во Б-дивизијата.
Штета, посебно ако се знае дека бевме во игра на овој меч, во таа последна четвртина влеговме со само -1 поен, но овој последен период од мечот јуниорите го одиграа слабо и затоа Бугарите славеа на крајот. На моменти имаа и разлика од 15 поени. Македонија се обиде да ја намали разликата, дојде на само -5 поени, па и на -2, но сепак толку беше. Противникот знаеше како треба во таа драма.
Најефикасен во нашите редови беше Димовски со неверојатни 29 поени. Јаниќиќ запиша 19, а Данев 18.
