Канаѓанката Самер Мекинтош во женска и Французинот Леон Маршан во машка конкуренција ја понесоа титулата најдобри пливачи на Светското првенство во Сингапур.
Признанијата беа доделени врз основа на достигнувањата во поединечните трки, а резултатите од штафетите не беа земени предвид. Канаѓанката освои четири златни и една бронза во Сингапур, а го исплива и вториот најдобар резултат во историјата на 200 метри делфин со резултат 2:01,99 минути, само 18 стотинки побавно од светскиот рекорд на Лиу Зига.
Французинот пливаше само две поединечни трки, но и тоа беше доволно за да ја добие престижната награда. Тој славеше во трките на 200 и 400 метри мешано, а беше единствениот што успеа да го урне светскиот рекорд во поединечна конкуренција. На трката на 200 метри мешано стигна со време од 1:52,69, со што пливаше речиси секунда и пол подобро од светскиот рекорд на Американецот Рајан Лохти (1:54,00).
