Американскиот бек Лони Вокер е новото засилување на Макаби Тел Авив.
Вокер се враќа во Евролигата откако минатата година потпишa за Филаделфија 76ерс. Во тоа време, тој се истакнуваше во дресот на Жалгирис и го доби посакуваниот договор во НБА. Сепак, откако нивната соработка не продолжи, тој го истражуваше пазарот, барајќи да види дали може да добие договор, но тоа не се случи.
Тој доби понуда од Макаби вредна 10.000.000 евра за целото времетраење на тригодишниот договор и ја прифати. Така, тој е еден од најплатените играчи во Европа во моментов.
„Многу сме горди што Лони Вокер стана дел од нашето семејство. Донесувањето на талент од ваков калибар во Тел Авив, играч кој е драфтуван и тестиран во НБА, е силен сигнал за нашата амбиција да се натпреваруваме на највисоко ниво и да им донесеме радост на нашите навивачи. Тој не е изолиран случај, туку совршено се вклопува во нашиот мозаик“, рече генералниот менаџер на Макаби, Клаудио Колдбел.
Во текот на претходниот период во Евролигата, Вокер постигнуваше просек од 13,6 поени во дресот на Жалгирис, додека на средина од сезоната отиде во Филаделфија каде што имаше 12,4 поени.
