Кога сме кај традицијата, тогаш треба веднаш да кажеме дека Карабах има успешен скор против клубови од Македонија. Двапати успеал да го елиминира Металург и еднаш Силекс. Од пет меча има четири победи и само едно реми.
Ама и Шкендија има успешен биланс или скор со клубови од Азербејџан, на три меча има две победи и едно реми.
Шкендија во таа 2016 година, во двомечот со Нефчи Баку од 2.квалификациско коло во Лигата на Европа, во Скопје успеа да победи со 1:0 и тоа со голот на Бесарт Ибраими, сегашниот капитен на тетовци. Во Баку беше 0:0.
Во 2020 година, кога се играше само по еден меч, Шкендија како гостин го победи Сумгаит и тоа во Азербејџан со 0:2 со головите на исто Бесарт Ибраими и Љупчо Дориев, и двата од белата точка.
Ова беше натпревар од 1.квалификациско коло во Лигата на Европа.
Значи Шкендија, а посебно Бесарт Ибраими и тоа како знаат како треба против клубови од Азербејџан, па така нека биде и на двомечот со Карабах.