Играчот од средниот ред на Германија и Ливерпул, Флоријан Вирц, е прогласен за германски фудбалер на годината во гласањето организирано од спортското списание „Кикер“.
Вирц доби 191 глас, 110 повеќе од второпласираниот Михаел Олисе (Баерн Минхен, 81 глас). Младата ѕвезда на Штутгарт, Ник Волтемаде беше трет со 71 глас. Гласаа 633 членови на Германското здружение на спортски новинари.
„Во фудбалот, личното признание на индивидуалните играчи е секогаш и пред сè награда за тимот. Сфаќам дека сè уште имам многу работа пред мене за да ги исполнам сите очекувања што доаѓаат со наградата за Фудбалер на годината“, сподели Вирц .
Иако во последната сезона Вирц со својот Баер Леверкузен не беше шампион, како претходната, сепак со своите импресивни настапи во дресот на “фармацевтите“ ги “натера“новинарите во Германија да гласаат за него.
Да потсетиме дека ова лето најдобриот германски фудбалер се пресели во Ливерпул.
Herzlichen Glückwunsch, Flo! 👏
Deutschlands Fußballer des Jahres 2025 des Fachmagazins „Kicker“ ist Florian Wirtz! 🥇#Bayer04 | #Wirtz pic.twitter.com/JuBHUwNcvA
— Bayer 04 Leverkusen (@bayer04fussball) August 10, 2025
