Некогашната ѕвезда на лондонски Арсенал, Тони Адамс изјави дека менаџерот на „топчиите“ Микел Артета треба да го смени капитенот на тимот.
„Тој има многу важна порака да испрати оваа година, не мислам дека сè уште ја испратил. Таа порака е да го направи Деклан Рајс капитен. Мислам дека Деклан е вистинскиот капитен и тоа би можело да му даде на Одегард малку повеќе слобода. Од време на време, менаџерот мора да избере некој што го одразува него и фудбалскиот клуб. Некој за кого верува дека може да го однесе на следно ниво. Го гледам Деклан Рајс како капитен, но му велам на Артета: „Ајде, покажи се. Време е да бидеш фантастичен и победнички менаџер, бидејќи со Одегард како капитен нема да ја освоиш лигата“, рече поранешниот дефанзивец на Арсенал.
