Министерот за спорт во Владата на Р. Македонија, Борко Ристовски, денеска беше дел од гледачите на натпреварот меѓу одбојкарските репрезентации на Македонија и Грузија. По победата на нашите момци и обезбедениот пласман на Европското првенство следната година, министерот беше во соблекувалната на одбојкарите и вети премија од 3 милиони денари за одбојкарите за остварениот успех.
„Ви благодариме за се што правите за Македонија. Ние како министерство стоиме зад вас, а во разговор со претседателот на Федерацијата на негов предлог, ќе добиете премија од 3 милиони денари за пласман на ова ЕП“, им рече Ристовски на одбојкарите.
