Ракометарите на Вардар со победа го почнаа настапот на традиционалниот турнир „Крсте Андоновски“ во Охрид. Екипата на Вардар славеше на денешниот премиерен натпревар против Динамо Панчево со 29:27.
„Црвено-црните“ одиграа едне квалитетен меч во две полувремиња, иако и Динамо Панчево одлично се држеше. Сепак, мора да се спомене дека Вардар не беше комплетен. Новиот тренер Иван Чупиќ денеска не можеше да смета на повредените Борозан и Стаменковиќ, а не играа ниту Пинто, Лазаревски и Еспиња.
Атанасовски со 6 гола заврши како најдобар стрелец кај „вардарци“.
