Бугарски Лудогорец тргна за Скопје на првиот натпревар од плеј-офот на Лигата на Европа против Шкендија. Мечот е закажан утре на националната арена, а Бугарите велат дека очекуваат доброисполнет стадион и тежок натпревар.
„Влегуваме во натпреварот очекувајќи тежок натпревар, но со оглед на искуството на Лудогорец, се надевам дека ние ќе бидеме конечниот победник. Очекувањата се полн стадион, домаќинот да добие сериозна поддршка, а ние ќе имаме и поддршка од нашите навивачи. Добрата работа е што реваншот е во Разград, каде што сум сигурен дека ќе добиеме сериозна поддршка“, изјави извршниот директор на Лудогорец, Ангел Петричев, пред заминувањето од аеродромот во Варна.
