Лондонски Арсенал го објави трансферот на англискиот играч за врска Еберечи Езе од Кристал Палас. Претходно беше објавено дека Езе се збогувал со своите довчерашни соиграчи од Палас.
„Еберечи ќе го носи дресот со број 10 и ќе им се придружи на своите нови соиграчи по натпреварот против Лидс Јунајтед овој викенд. Сите во Арсенал би сакале да го поздрават Еберечи во клубот. Трансферот е предмет на завршување на регулаторните процедури“, се вели во соопштението на официјалната веб-страница на клубот.
Минатата сезона, 27-годишниот Езе одигра 43 натпревари во сите натпреварувања, постигнувајќи 14 гола и 11 асистенции.
