Бламажата од епски размери која што му се случи синоќа на тимот на Манчестер Јунајтед, и испаѓањето од четвртолигашот Гримсби со Карабао купот, ги доведе нештата до точка на „вриење“ на Олд Трафорд.
Ситуацијата е алармантна, боди не се освојуваат, клубот тоне, а сезоната е на самиот почеток.
Менаџерот Аморим имаше полна уста критики за неговите играчи по синоќешниот дебакл, додавајќи дека ќе има разговори и колективни и поединечни и дека тој лично ќе има состанок со претпоставените.
Што ќе се случува и дали тој на крајот ќе добие отказ ќе видиме, но еве што вели јавноста во Англија.
Доколку менаџментот на Јунајтед сепак се одлучи да му врачи отказ, тогаш на португалецот му следува сериозно обештетување. Тој неделно заработува 125.000 фунти, а има уште 22 месеци од актуелниот договор. Тоа значи дека при евентуален отказ би добил 11.9 милиони фунти обештетување. Поточно, Јунајтед ќе му го исплати целосно преостанатиот дел од парите кои ги има во договорот. Само за информација на Ерик Тен Хаг при отказот му беа исплатени 14.5 милиони фунти.
