Вечерва се одиграа уште два меча на ЕП 2025. Секако дека интересно беше да се види Србија како ќе одигра против Португалија. И веднаш да кажеме дека Јокиќ и компанија славеа, но не така убедливо како што се очекуваше. Тешко извојувана победа од само 80:69. Едноставно четата на селекторот Пешиќ се изнамачи да дојде до “два од два“ на ЕП.
Проблем е што капитенот Богдан Богдановиќ се повреди, шпекулациите велат дека станува збор за задња ложа, а ќе се памети и онаа глупост на Петрушев кој беше исклучен.
Се виде дека Србија и тоа како беше изненадена од одличната селекција на Португалија на овој натпревар.
Најефикасни кај победникот беа Никола Јокиќ со 23 поени и Никола Јовиќ со 18 поени.
На мечот Финска – В. Британија фантастична партија на Лаури Марканен, кој успеа да постигне 43 поени и беше бр.1 кај победничката екипа која славеше со резултат 109:79.
