Големата ѕвезда на светската кошаркарска сцена, Словенецот Лука Дончиќ, го запиша своето име во историјата на Европските првенства. Вчера на стартот на Евробаскетот 2025 за селекцијата на Словенија и покрај тешкиот пораз против Полска (95:105), Лука Дончиќ покажа извонредна игра.
Суперѕвездата на Лејкерси постигна 34 поени (шут 7 од 14 од поле, 3 од 9 од линијата за слободни фрлања, 17 од 18 од линијата за слободни фрлања), имаше четири скока, девет асистенции и пет украдени топки и две блокади за 36 минути на теренот.
Со овој натпревар, Дончиќ стана првиот играч во документираната историја на европските шампионати кој имал комбинирано 30+ поени, 5+ асистенции и 5+ украдени топки во еден натпревар.
Дополнително, неговите 17 реализирани слободни фрлања го донесоа на чекор од постигнувањето на Хуан Карлос Наваро (2005) кога реализираше 18 слободни фрлања против Хрватска.
