Челзи е решен да го донесе на „Стенфорд Бриџ“ младиот фудбалер на Барселона, Фермин Лопез.
Лондончани се обидуваат да го купат играчот од средниот ред за 58 милиони евра, но според новите информации објавени од „Диарио Спорт“, клубот од Премиер лигата ја подобрил својата првична понуда до Барселона на 65 милиони евра.
Челзи е подготвен да ја плати целата сума во една уплата, а тоа е загарантиран износ, без бонус дел. „Сините“ го сметаат Фермин Лопез за стратешки играч за проектот на Енцо Мареска, а тренерот веќе лично го уверил Шпанецот дека тој ќе биде клучна фигура во тимот.
Самиот играч од средниот ред е решен да остане во Барселона, но е свесен дека понудата на Челзи не може лесно да се одбие поради спортските и финансиските можности што ги отвора за неговата кариера.
