Сега веќе и дефинитивно знаеме кои се ривалите на Шкендија во Лигата на Конференции, во нејзиниот прв и историска настап во едно лигашко натпреварување.
Секако дека најинтересно ќе биде гостувањето на Косово кај Дрита. Покрај другото и порадуи фактот дека тренер на Дрита е нашиот стратег Зекирија Рамадани, а како играч е Егзон Бејтулаи, поранешен репрезентативец на Македонија. Интересно, и двајцата некогаш го носеле дресот на Шкендија. За Дрита игра и Блертон Шеји, некогашен наш младински репрезентативец.
Шкендија ќе ги одмери силите и со Рајо Ваљекано и АЕК Ларнака на гости. Познато е дека до пред нешто повеќе од една година таму голман беше Столе Димитриевски, а во тимот од Кипар своите најдобри фудбалски години ги мина Иван Тричковски.
Дома Шкендија ќе игра со Слован Братислава, Јагелонија и Шелбурн.
Словачкиот тим во 2024 летото ја елиминира Струга ТЛ во 1.квалификациско коло во ЛШ. Познато е дека до пред некој месец за полската Јагелонија настапуваше Дарко Чурлинов, а Шелбурн во 2000 година ја елиминира Слога Ј.
