Кошаркарите на Турција убедливо ја совладаа селекцијата на Португалија со 95:54 во 3. коло од Групата А на Евробаскетот.
Турција ја оправда својата улога на апсолутен фаворит уште во првото полувреме, по што водеше со 51:27, а до крајот оваа предност дополнително се зголеми за конечни + 41. Најефикасни во Турција беа Шенгун со 20 и Коркмаз и Јуртсевен со по 14 поени.
Црна Гора доживеа уште еден убедлив пораз, овој пат против селекцијата на Финска со резултат од 85:65.
Во првите две кола, Црногорците беа поразени од Германија и Литванија, а сега претрпеа тежок пораз и против Финска. Лаури Марканен беше очекувано најдобриот кај Финците со 26 поени, 13 скока и три асистенции, додека Микаел Јантунен додаде 11. За Црна Гора, Андрија Славковиќ беше најдобар со 15 поени.
