Откако денеска и официјално го потпиша договорот со Ренџерс, македонскиот репрезентативен напаѓач, Бојан Миовски, го даде и првото интервју за клупската телевизија. Тој зборуваше за новиот предизвик кој го очекува, но и за враќањето на позната територија и фудбалска средина.
„Многу сум среќен и возбуден што ќе бидам дел од овој тим. Бев многу среќен кога ја добив понудата, бидејќи добро го познавам клубот и ја знам неговата богата историја. Ова ми значи многу и спремен сум да ја испишам својата историја во овој клуб. Имам многу пријатели во Шкотска и тие имаа само пофални зборови за Ренџерс, спремен сум да играм и да дадам се од себе за овој клуб. Поминав две одлични години во Абердин, па заминав во Џирона каде што искусив друг начин на играње на фудбалот, но сепак среќен сум што се вратив повторно во Шкотска. Секој чекор кој го правам во кариерата е моја одлука и за доброто на моето семејство. Ќе се обидам да постигнам многу голови, да освојам многу трофеи и да дадам се од себе за нашите фанови. Ваквото ниво на фудбал за мене не е ништо ново, бидејќи играв големи натпревари со поранешните клубови и со репрезентацијата, исто така постигнав и голови против Рангерс и Селтик кога играв за Абердин, па се надевам дека ќе продолжам така и тука. Ги запознав сите соиграчи и тие одлично ме прифатија во тимот“, вели во клупското интервју, Миовски.
