Ракометарките на Будуќност од Црна Гора се победнички на првото издание на Регионалниот ракометен турнир во Скопје. Во женска конкуренција, подгоричанки немаа достоен ривал. И во последниот меч беа доминантни и славеа со високи 46:26 над екипата на Бор.
Со три победи сосема заслужено го добија победничкиот пехар, кој им беше врачен веднаш по мечот. Претходно, Будуќност двапати ги совлада и македонските учесници на турнирот, шампионот Ѓорче Петров и екипата на Металург Автокоманда.
Во мечот за 3. место, во македонското дерби, Металург Автокоманда одигра 24:24 со Ѓорче Петров и поради подобрата гол-разлика на крајот заврши пред своите локални ривалки.
