Трансферот кој се најавуваше неколку недели денеска конечно се оствари, и доби на официјализација.
Македонскиот репрезентативец и интернационалец, Бојан Миовски е нов член на тимот на Глазгов Ренџерс. Тој по епизодата во шпанска Џирона се враќа во Премиер лигата на Шкотска каде што ја доживеа фудбалската афирмација во дресот на Абердин. Головите токму во овој клуб му донесоа и трансфер во Примера, но тоа е сега веќе завршена приказна.
Миовски е нов играч на легендарниот шкотски клуб кој што во него гледа нова голгетерска машина, која што ќе му донесе на клубот титули и успешни епизоди на европска сцена.
Клубот официјално објави дека Миовски потпиша четиригодишен договор.
