Новак Ѓоковиќ е во 1/8 финалето на УС Опен откако успеа да го победи Камерон Нори од В. Британија со 3:1 во сетови. Најдобриот тенисер на сите времиња се мачеше со повредите, имаше болки во грбот, во два наврати бараше и медицински третман, но сепак на крајот успеа да победи и да се пласира во следната фаза на последниот грен-слем во оваа година. Во Њујорк тој покажа дека има голема желба да дојде до што подобар пласман без разлика на повредите кои се евидентни.
По сетови беше 6:4 во првиот, потоа Нори го доби вториот во тајбрејкот, за да Србинот во третиот и четвртиот беше убедлив со 6:2 и 6:3.
Ова беше седми дуел со Нори и седма победа на Ѓоковиќ. Во осминафиналето Србинот ќе ги одмери силите со Штруф од Германија.
