Фудбалерите на Баерн Минхен тесно славеа на гостувањето против Аугзбург со 3:2 во натпреварот од второто коло од германската Бундеслига.
Баварците водеа со убедливи 3:0, но им дозволија на домаќините да се вратат во играта и ја направија завршницата крајно возбудлива. Сепак, на крајот, избраниците на тренерот Винсент Компанија освоија три бода на тежок натпревар на гостински терен.
Баерн поведе во 28-та минута со голот на Серж Гнабри по асистенција на Хари Кејн, а водството на гостите го дуплираше Колумбиецот Луис Диаз во судиското продолжение од првото полувреме.
Актуелните шампиони со голот на Олисе во 48-та минута поведоа и со 0:3, но упорниот домаќин успеа да се врати во живот. Прво, во 53-тата минута, Хрватот Кристијан Јакиќ намали на 1:3, а потоа Аугзбург со голот на Мерт Комуро дојде и до 2:3. До крајот Баварците ја задржаа својата предност и освоија нови три бода.
