Србија ја остварија третата победа на Евробаскетот 2025, откако денес во Рига ја совладаа Летонија со 84:80. И денеска Никола Јокиќ имаше извонредна партија и скоро сам и ја донесе победата на својата селекција. Јокиќ веќе имаше 18 поени на полувремето и беше јасно дека ќе запише нова блескава партија.
На една минута пред крајот, Летонија се приближи на два поени разлика (82:80), а потоа Јокиќ постигна два коша од линијата за слободни фрлања за +4 и победа на Србија.
Јокиќ го заврши натпреварот со 39 поени и 10 скока, а имаше и 4 асистенции. Филип Петрушев со 12 и Марко Гудуриќ со 11 поени беа двоцифрени. Кај домашните, најдобар беше Дејвис Бертанс со 16 поени.
Грција не се намачи со Кипар. Соседскиот дуел има припанда на Грците со убедливи 96:69. Дорси и Митоглу беа најефикасни кај победничкиот состав со по 18 поени, додека Јанис не се појави на паркетот.
Франција и го нанесе и вториот пораз на Словенија, откако вечерва славеше со 103:95. Ниту 39 поени на Лука Дончиќ не беа доволни за прва победа на Словенците. Франсиско со 32 поени доминираше кај „галските петли“, во чии редови Окобо постигна 14 поени.
