Нема чекање кога се во прашање големите клубови. Македонскиот репрезентативец и интернационалец, Бојан Миовски денеска и официјално беше претставен како ново засилување на легендарниот шкотски тим, Глазгов Ренџерс, и веќе го одработи и првиот тренинг.
По престојот во шпанска Џирона, Миовски се врати во шкотската Премиер лига, во која ги доживеа звездените моменти во дресот на Абердин.
Овојпат се враќа во еден од двата најголеми клубови во оваа земја, а во Глазгов Ренџерс секако во него гледаат како следна гол машина која што ќе им донесе на навивачите многу среќни моменти.
