Коди Гакпо го продолжи договорот со Ливерпул.
Англискиот клуб објави дека потпишал нов долгорочен договор со холандскиот крилен напаѓач.
“Одлично е чувството да се продолжи договорот со овој прекрасен клуб. Многу сум благодарен и се надевам дека ќе можам да се оддолжам со многу убави моменти од моја страна. Овде се чувствувам како дома, мојата фамилија се чувствува како дома и тоа секако има влијание на одлуката“, изјави Холанѓанецот.
Гакпо игра за „црвените“ од почетокот на 2023 година и досега беше на терен на 131 натпревар, постигнувајќи 42 гола.
