Македонскиот шампион Е. Пелистер е освојувач на првиот Регионален турнир во скопје. Вечерва во одлучувачкиот меч на машкиот турнир, битолчани успеаја да го совладаат Вардар со 25:23 и да го освојат првото место.
За шампионот ова беше трет триумф по ред во дуелите со Вардар пред стартот на новата сезона. Битолчани успеваа во текот на двете полувремиња да одржат разлика, која на крајот беше доволна за триумф. Вардар очигледно е далеку од посакуваната форма.
За Е. Пелистер ова беше трета победа на турнирот, откако претходно битолчани ги победија и Војводина и Ловќен.
