Денешната ПМФЛ програма од четвртата нејзина етапа сезонава, донесе два исклучително интересни дуели. Едниот неизвесен, а другиот како показна вежба како се добива еден меч со стил.
Тимот на Струга Трим Лум му покажа на Башкими среде Куманово дека не треба овој тим да го фаќа еуфорија по стартните добри резултати. Некогашниот шампион победи со огромни 0:5, и фантастична изведба вредна за паметење.
По црвениот картон на домашниот Симоновски, нештата на теренот отидоа во само еден правец. Кампаоре и Радески погодија за 0:2 на полувреме, а во вториот дел следуваше нова добра гостинска изведба.
Кампаоре повторно, па Шабани, за да на крајот го постави конечниот резултат.
Од друга страна во Гостивар, Мартин Мирчевски беше клучниот играч на дуелот помеѓу Арсими и Силекс. Искусниот напаѓач го постигна единствениот гол на овој меч и покрај тоа што гледачите видоа грст шанси и пред двата гола. Конечниот резултат сепак остана 0:1, а Силекс дефинитивно покажа дека е сериозен фаворит за највисок пласман сезонава.
Силекс и Струга се лидери на табелата со по 12 бодови, Башкими има седум додека Арсими застана на два поени.
