Алкалоид во овој момент го игра првиот квалификациски дуел против Хановер за пласман во групната фаза во Европската лига. Кирил Лазаров и неговите момци на одморот имаа негатива од четири гола (19-15), истата се должи на промашените зицери, кој не се дозволиви против еден бундес-лигаш. Ракометарите имаат шанса во вториот дел да ги поправат овие грешки и да се вратат со активен резултат за реваншот, кој се игра на 6.септември во салата во Автокоманда.
На трибините се развиорени македонските знамиња, бројни фанови дојдоа да го поддржат Алкалоид, кој и минатата сезона на секое европско гостување ги имаше навивачите како осми играч.
Со тимот во Хановер е Генералниот директор и претседател на Управниот одбор на „Алкалоид“ Живко Мукаетов.
