Македонскиот интернационалец и репрезентативец, Елиф Елмас денеска и официјално ќе биде претставен како ново засилување на тимот на Наполи. Поточно, Дијамантот ќе се врати во клубот каде што ги доживеа звездените моменти од неговата кариера, ја освои титулата во Серија А, и влезе во историјата на овој клуб.
Предмалку на социјалните мрежи излезе „скришна“ фотографија од неговата промоција која што ќе треба веројатно да се случи во следните неколку часа.
Наполи во финишот на преодниот рок прави се што повеќе да се засили особено во нападот, затоа што Лукаку се повреди и нема да биде достапен неколку месеци, па Елмас, и најверојатно Расмус Хојлунд како позајмен фудбале од Манчестер Јунајтед ќе ја пополнат таа дупка.
Сега, откако Елмас и дефинитивно се враќа во Наполи можеме конечно да кажеме дека неговиот кошмар наречен Ред Бул Лајпциг официјално заврши.
@lucacerchione @ilsognonelcuore
🟥ESCLUSIVA #NAPOLI
Eljif #Elmas con ogni probabilità verrà ufficializzato e presentato nella giornata odierna. Shooting fotografico in un ristorante a Posillipo per il macedone in mattinata. pic.twitter.com/uQsC7cZdre— Emanuele (@EmanuCant) August 31, 2025
